Школьная форма 2025-2026
У ходзе адукацыйнага працэсу ва ўсіх відах устаноў агульнай сярэдняй адукацыі навучэнцы І-ХІ класаў прытрымліваюцца адзення дзелавога стылю. Нашэнне адзення дзелавога стылю навучэнцамі ўстаноў агульнай сярэдняй адукацыі з'яўляецца нормай, якая вызначаецца статутам і правіламі ўнутранага працоўнага распарадку ўстановы агульнай сярэдняй адукацыі. У адпаведнасці з пунктам 4 артыкула 20 Кодэкса Рэспублікі Беларусь "Аб адукацыі" ўстанова адукацыі абавязана забяспечыць распрацоўку і прыняцце правілаў унутранага распарадку навучэнцаў, правіл унутранага працоўнага распарадку ўстановы адукацыі. У названых дакументах рэгламентуецца адказнасць бацькоў і навучэнцаў за наяўнасць дзелавога стылю адзення.
У адпаведнасці з пунктам 6.3. Статута школы навучэнец абавязаны выконваць патрабаванні ўстаноўчых дакументаў, правіл унутранага распарадку для навучэнцаў, захаванню строгага дзелавога стылю адзення.
У адпаведнасці з пунктам 3.3. Правілаў унутранага распарадку для навучэнцаў:
вонкавы выгляд павінен адпавядаць агульнапрынятым у грамадстве нормам дзелавога стылю і выключаць задзірлівыя дэталі;
асноўны колер адзення: цёмна-сіні;
забараняецца насіць адзенне з джынсавай тканіны;
забараняюцца экстравагантныя стрыжкі і прычоскі; афарбоўванне валасоў у яркія, ненатуральныя адценні;
забараняецца макіяж і манікюр з выкарыстаннем яркіх, насычаных колераў;
забаронена выкарыстоўваць у якасці дэталей масіўныя завушніцы, брошкі, кулоны, пярсцёнкі;
забаронена нашэнне пірсінгу.
У лісце Міністэрства адукацыі Рэспублікі Беларусь "Аб некаторых пытаннях увядзення адзення дзелавога стылю для навучэнцаў устаноў, якія забяспечваюць атрыманне агульнай сярэдняй адукацыі" ад 23.05.2006 № І-06-15/142 дадзена наступнае вызначэнне дзелавому стылю адзення:
«Дзелавы стыль адзення - гэта строгі вытрыманы стыль адзення, прызначаны для наведвання вучнямі навучальных заняткаў у агульнаадукацыйных установах. Для хлопчыкаў (юнакоў) у камплект уваходзяць пінжак, камізэлька, штаны, кашуля з кароткімі і доўгімі рукавамі, гальштук. У зімовы час у камплект могуць уваходзіць трыкатажны швэдар і камізэлька. Для дзяўчынак (дзяўчат) - пінжак, камізэлька, спадніца, штаны, блузка з кароткімі і доўгімі рукавамі, сарафан. У зімовы час у камплект могуць уваходзіць трыкатажны швэдар ці камізэлька. Адзенне дзелавога стылю можа быць выканана з тканін рознай структуры: воўны, паўшэрсці, бавоўны, камбінаваных тканін. У навучальны час не дапускаецца нашэнне адзення з джынсавай тканіны. Увядзенне дзелавога стылю адзення прадугледжвае выхаванне пачуцця этыкету ў маладога пакалення, уменне ранжыраваць адзенне на розныя стылі і разумець значэнне па яго прымяненні. Адзенне можа быць выканана ў рознай каляровай аднатоннай гаме, уключаць элементы з тканін у клетку, але быць не стракатай і не абуральна яркай. Абутак павінен адпавядаць дзелавому стылю адзення. Адзенне павінна адпавядаць асноўным санітарна-гігіенічным патрабаванням, якія прад'яўляюцца да адзення для навучэнцаў агульнаадукацыйных устаноў».
Узоры адзення дзелавога стылю зацвярджаюцца Каардынацыйнай радай па пытаннях адзення дзелавога стылю для навучэнцаў устаноў агульнай сярэдняй адукацыі (пастанова Міністэрства адукацыі Рэспублікі Беларусь і Міністэрства гандлю Рэспублікі Беларусь ад 19 жніўня 2013 г. № 77/19 «Аб Кардынацыйнай радзе па пытаннях адзення дзелавога стылю» для вучняў. Узоры мадэлей адзення дзелавога стылю прадстаўлены на сайтах канцэрна "Беллегпрам" (http://www.bellegprom.by) і Міністэрства адукацыі Рэспублікі Беларусь (http://www.minedu.unibel.by). Ва ўзорах не прадстаўлена ніводнай мадэлі з выкарыстаннем джынсавай тканіны, што сведчыць аб тым, што адзенне з дадзенага матэрыялу не адносіцца да дзелавога стылю.