Традыцыі БРПА - гэта знак павагі да гістарычных дат дзяржавы і датычнасці членаў арганізацыі да жыцця сваёй краіны.
Традыцыі піянераў Беларусі
Традыцыя парадаў: толькі калектыўна, усім разам можна знайсці правільны шлях, прыняць новае рашэнне.
Традыцыя праўды: піянер адважна стаіць за праўду і справядлівасць.
Традыцыя росту: уменне, спрыт, адвага прыходзяць не адразу, неабходна прайсці прыступкі росту.
Традыцыя спадчыны: піянер беражліва захоўвае прыроду і культуру роднага краю.
Традыцыя дабра: "Ні дня без добрых спраў!" Піянеры заўсёды дапамагаюць тым, каму патрэбна дапамога, бо ад кожнай добрай справы свет вакол становіцца крышачку больш шчаслівым, мяняецца да лепшага.
Традыцыйныя святы ГА «БРПА»:
8 лютага - Дзень юнага героя-антыфашыста;
15 сакавіка - Дзень Канстытуцыі;
9 мая - Дзень Перамогі;
19 траўня – Дзень піянерскага сяброўства;
1 чэрвеня - Дзень абароны дзяцей;
20 чэрвеня - Свята піянерскага вогнішча;
3 ліпеня - Дзень Незалежнасці;
1 верасня - Дзень ведаў;
13 верасня - Дзень нараджэння ГА "БРПА".
13 ВЕРАСНЯ – ДЗЕНЬ БРПА У гэты дзень у 1990 годзе X Рэспубліканскі злёт піянераў прыняў рашэнне аб самастойнасці Беларускай рэспубліканскай піянерскай арганізацыі як суб'екта Саюза піянерскіх арганізацый – Федэрацыі дзіцячых арганізацый (СПА-ФДА).
